Saat Suro na pagle-pagle (Gujarati Sugam Geet)

સાત સુરોના પગલે-પગલે, પ્રીત પુરવની જાગી

આતમના હર તારે છેડ્યો રાગ રસિક વરણાગી

છુમ-છુમ પગલે ચલે પવન પૂર, બાંસુરિયા રસઘેલી

પળ પાથરણે જનમ-જનમની ઓળખ કરતી કેલી

મુગ્ધ સકલ બ્રહ્માંડે દીસતું આ જ સકલ અનુરાગી

નટખટ નેહ નીતરતો રસમય કેફે કામણગારો

ઝરણા જેવો નર્તન કરતો રગ-રગમાં રેલાશે

ઘેનીલ પંથે અઢળક કોષે લ્હાય લવકતી લાગી

મોર મુરકતા થનગન-થનગન રુદિય તાલે-તાલે

મન લોભાવન મહેક પીરસતી વેલ વરસતા વ્હાલે

ધીન્નક-ધીન્નક અવસર ઝીલવા તનમન છે બળભાગી

રચના: દિલીપ જોશી                                        સ્કેલ: C#

સ્વરાંકન: જય સેવક                                         તાલ: કેરવા (પેટર્ન)